ЦЕГ-ын камерын бүртгэлийн цахим санд бүртгэгдсэнээр аймгийн хэмжээнд хувийн болон албаны 1883 хяналтын камерыг ашиглаж байна.
Үүнээс Арвайхээр сумын теле-хяналтын камерын нэгдсэн системийн 78 цэгт 180 хяналтын камер хэвийн ажиллаж байгаагаас 156 чиглэлийн камер, 22 хөдөлгөөнт камер, хоёр нь автомашины дугаар таних камер юм.
Камержуулах ажлыг эрчимжүүлснээр сүүлийн гурван жилд 520 гэмт хэрэг, зөрчлийг шуурхай илрүүлжээ. Ихэвчлэн замын хөдөлгөөнд оролцож буй жолооч, зорчигчид хамгаалах бүс зүүгээгүй, хөдөлгөөнд гар утас хэрэглэсэн, бага насны хүүхдийг зориулалтын суудалд суулгаагүй, зөвшөөрөгдсөн гэрэл дохиог зөрчсөн гэх мэт зөрчлүүд байна.
“Камерын хяналтын дэд төв”-д 43 инчийн найман дэлгэцийг нэмж суурилуулан сервер өрөөний өргөтгөл, холболтуудыг хийгээд байна. Цаашид дээрх хяналтын камеруудыг аймгийн Төрийн үйлчилгээний нэгдсэн төвийн “Телекамерын хяналтын дэд төв”-д үе шаттай холбох юм.
