Арменийн нутаг дэвсгэрт нисч явсан ОХУ-ын армийн Ми-24 нисдэг тэргийг Азербайжаны тал санамсаргүй буудаж унагаасны улмаас хоёр хүн амь үрэгдэж, нэг хүн шархаджээ.
Нисдэг тэрэг Армени-Азербайжаны хилийн шугамд тун ойрхон, харанхуйд, радарт мэдрэгдэхгүй нам өндөрт нисч явсан аж. Азербайжаны тал алдаа гаргасандаа албан ёсоор хүлцэл өчиж, амь үрэгдсэн албан хаагчдын ар гэрийнхэнд эмгэнэл илрхийлсэн байна. Түүнчлэн энэ бүс нутагт өмнө нь Оросын нисдэг тэрэг ганц ч удаа үзэгдэж байгаагүй гэнэ.
Азербайжаны Засгийн газар Оросын талд учруулсан бүх хохирлыг нөхөн төлөхөө мөн амлажээ. Армени, Азербайжан улсуудын хооронд газар нутгийн маргаантай байдаг Уулын Карабахын нутагт есдүгээр сарын 27-ноос хойш зэвсэгт мөргөлдөөн үргэлжилж байна. Оросын цэргийн бааз Арменид байдаг юм.
Монгол Улсын Батлан хамгаалах яамны Гадаад хамтын ажиллагааны газрын дарга хурандаа Т.Наранхүү Япон Улсаас Монгол Улсад суугаа ЭСЯ-ны Батлан хамгаалахын атташе дэд хурандаа Ирики Ёохэй болон Япон Улсаас Монгол Улсад суух ЭСЯ-ны Батлан хамгаалахын атташегаар шинээр томилогдож байгаа дэд хурандаа Мурасэ Рёосукэ нарыг өнөөдөр /2025.03.28/ хүлээн авч уулзлаа.
