Л.Оюун-Эрдэнэ: Бид амаргүй сорилттой нүүр тулав

МАН-ын 30 дахь их хурал өнөөдөр /2021.12.06/ 09.00 цагаас эхэллээ. 100 жилийн түүхтэй, эрх баригч намынхан энэ удаагийн хурлаараа хүний эрхийг хамгаалах хийгээд авлигатай тэмцэх бодлого танилцуулахаар болсон гэдгээ олон нийтэд мэдээлсэн юм. Тус хурал 2021 оны арванхоёрдугаар сарын 6-7-ны хооронд 08.00-23.00 цагийн хооронд үргэлжилнэ.

МАН-ЫН ИХ ХУРАЛ ХААЛТТАЙ ҮРГЭЛЖИЛЖ БАЙНА

Баримт бичиг боловсруулах комисс байгууллаа. Тодруулбал, Н.Энхболд Г.Нарантуяа Х.Нямбаатар Б.Энхбаяр Ж,Сүхбаатар Т.Ганди Б.Болормаа Н.Энхтайван Т.Гантөмөр гэсэн есөн хүний бүрэлдэхүүнтэй редакцийн комисс байгуулах саналыг намын гишүүд дэмжив. Хоёрт, Тооллогын комисс байгуулав. Тус комисст Д.Баярбаатар Н.Жавхлан М.Сэмжидмаа Н.Батсүмбэрэл Ч.Пүрэвхүү Б.Мөнхбат Б.Хуягбаатар Ч.Батзул Д.Мөнхбат Г.Энхбаяр М.Ариунболд В.Сүхрагчаа М.Мөнхсувьд С.Ганзориг н.Бат-Эрдэнэ Ц.Сүхбаатар Э.Болор-Эрдэнэ н.Мөнхбаяр М.Батзориг С.Мөнхбаяр Э.Батсүх Ц.Рэгзэдмаа н.Идэрпүрэв Т.Батзориг Л.Амарболд Д.Нямбаатар Г.Ууганбаяр Т.Төрболд Б.Цэрэн Э.Даваадорж П.Нарантуяа Т.Мөнхгэрэл С.Даваасүрэн гэсэн 33 хүний бүрэлдэхүүнтэй гишүүд багтав.

Нам төрийн зүтгэлтэн, Хөдөлмөрийн баатар, маршал Ю.Цэдэнбалыг хэлмэгдсэн тооцож цагаатгасан шүүх хурлын тогтоолыг Сүхбаатар дүүргийн шүүхээс гаргаж байгааг танилцууллаа. Намын их хурал 14.00 цагаас хаалттай үргэлжилж байна. Ерөнхий сайд Л.Оюун-Эрдэнийг орой 21:30 цагт МАН-ын даргаар батламжилна.

-Их хуралд 1245 төлөөлөгч оролцож байна. Нийт их хурлын төлөөлөгчдийн 44 хувь нь анх удаагаа оролцож буй. Нийт төлөөлөгчийн 24 хувь нь эмэгтэйчүүд байна. Залуучууд оролцсон их хурал болж байна. Өнөөдрийн хурлаар есөн асуудал хэлэлцэнэ. Намын даргын улс төрийн илтгэл, намын ерөнхий хорооны тайлан илтгэл, Ерөнхий нарийн бичгийн даргын ажлын тайлан, Намын хөгжил дэвшлийг манлайлах нам гэсэн илтгэлийг сонслоо. Үдээс хойших хуралдаанаар гишүүд илтгэлтэй холбогдуулж, асуулт хариулт саналаа хэлнэ. Өнөөдрийн орой намын даргаа батламжилна. Маргааш УИХ-ын даргаас тавьж хэлэлцүүлэх илтгэл болон, намын дүрмийг шинэчилнэ. Төгсөлд нь намын бага хурлыг сонгож байгуулах, намын хяналтын хороог байгуулахыг төлөвлөж байна.