Монголбанк 2021 оны аравдугаар сард 3.2 тонн үнэт металл худалдан авч, оны эхнээс өссөн дүнгээр нийт 18.1 тонн үнэт металл худалдан аваад байна.
Энэ нь өмнөх оны мөн үетэй харьцуулбал 1.08 тонноор буурсан үзүүлэлт юм. Мөн 2021 оны аравдугаар сарын хувьд Дархан-Уул аймаг дахь Монголбанкны хэлтэс 168.2 кг, Баянхонгор аймаг дахь Монголбанкны салбар 249.8 кг үнэт металл худалдан авсан.
Монголбанкны нэг грамм алт худалдан авах дундаж ханш 2021 оны аравдугаар сард 162,456.30 төгрөг байна.
