Монголбанкны Мөнгөний бодлогын хороо хуралдаж, мөнгөний бодлогын хүүг 2 нэгж хувиар бууруулж, 6% болгох шийдвэр гаргасан. 2020 он гарснаас хойш 125 мянган зээлдэгчийн 5.3 их наяд төгрөгийн зээл КОВИД-19 цар тахалд өртжээ. Энэ нь нийт зээлийн 33 хувийг эзэлсэн байна.
Мөн зээлдэгчид банкандаа хүсэлтээ тавьсан бөгөөд банкууд материалыг нь хүлээж авч нийт 3.7 их наяд төгрөгийн зээлд бүтцийн өөрчлөлт хийжээ. Үүнд,
- Бизнесийн зээл- 2.2 их наяд төгрөг
- Иргэдийн хэрэглээний зээл- 1.5 их наяд төгрөг байжээ.
Тэгэхээр мөнгөний бодлогын хорооноос өнөөдөр банкны салбарт гаргасан шийдвэрийн хувьд:
- Банкууд эх үүсвэрээ ашиглан тодорхой зээлүүддээ дэмжлэг үзүүлэх боломж олгосон
- Хавтгайрсан арга хэмжээ байх ёсгүй тул банкууд өөрийн бизнес чиглэл төлөвлөгөөнийхөө дагуу тохирох арга хэмжээгээ авах боломж олгож байна.
Түүнчлэн Засгийн газрын арга хэмжээтэй мөнгөний бодлогын арга хэмжээ уялдах ёстой. КОВИД-19 цар тахал нь улсын төсөв, өрх гэр бүл, ААН-д адилхан хүндээр тусаж байгаа. Улсын төсвийн орлого маш их хэмжээгээр тасраад явж байна
Хүүгийн ерөнхий түвшинг ийнхүү багасгаж байгаа нь нөгөө талаар Засгийн газарт нэмэлт эх үүсвэр хэрэгтэй бол бага зардлаар үүсгэх боломж бүрдэж буй юм.
Өөрөөр хэлбэл, Засгийн газар бонд гаргаад, шаардлагатай зүйлийг санхүүжүүлэх эх үүсвэр босгохоор бол мөнгөний бодлогын хүүнээс ч бага хүүгээр босгох боломж бүрдэж байна.
