Баянзүрх дүүргийн 26 дугаар хороо, “Нийслэл хүрээ” өргөн чөлөөний хэсэгчилсэн засвар, шинэчлэлтийн ажлын хүрээнд зургаадугаар сарын 1-нээс Дүнжингарав худалдааны төвийн уулзвараас И-Март худалдааны төвийн уулзвар хүртэлх замын урд болон хойд талыг хэсэгчилж хаах юм байна.
Нийслэлийн Замын Хөгжлийн Газраас мэдээлснээр Дүнжингарав худалдааны төвийн уулзвараас И-Март худалдааны төвийн уулзвар хүртэлх ХОЙД хэсгийн авто замыг зургаадугаар сарын 1-ний 23:00 цагаас 3-ны 06:00 цагийн хооронд хааж, авто замын хэсэгчилсэн засвар, шинэчлэлтийн ажлыг хийж гүйцэтгэнэ.
Харин И-Март худалдааны төвийн уулзвараас Дүнжингарав худалдааны төвийн уулзвар хүртэлх УРД хэсгийн авто замыг зургаадугаар сарын 4-ний 22:00 цагаас 6-ны 06:00 цагийн хооронд хааж, авто замын хэсэгчилсэн засвар, шинэчлэлтийн ажлыг хийж гүйцэтгэхээр болжээ. Энэ үеэр тэгш байдал алдагдсан, суулт үүссэн авто замын хашлагыг асфальт бетон хучилтын түвшинд тааруулан засварлах, инженерийн шугам сүлжээний худгийн тагийг асфальт бетон хучилтын түвшинд тааруулах, авто замын зорчих хэсэгт асфальт бетон хучилтын ажил хийгдэх юм байна.
