Бүх нийтийн бэлэн байдлын зэрэгт хэсэгчилсэн байдлаар шилжихтэй холбогдуулан авч xэрэгжүүлэх зарим арга хэмжээний тухай Нийслэлийн Засаг дарга бөгөөд Улаанбаатар хотын захирагч Д.Сумъяабазарын А/1320 тоот захирамж гарсанУг захирамжид хавсралтаар баталсан 15 үйл ажиллагааны чиглэл бүхий байгууллагууд ажиллах бөгөөд тэдгээр аж ахуйн нэгж өмнө нь авсан QR код бүхий зөвшөөрлөөрөө нийслэлийн замын хөдөлгөөнд оролцоно.
Харин өмнө нь хязгаарлалтад багтаж байсан такси үйлчилгээ болон хүүхэд хамгааллын чиглэлээр ажилладаг байгууллагуудад шинээр QR код олгох бөгөөд тэдгээр нь хүсэлтээ nokshtab@ulaanbaatar.mn email хаягаар ирүүлэх юм. Тээврийн xэрэгслийн жагсаалтад байгууллагын регистр, тээврийн xэрэгслийн марк, улсын дугаар, эзэмшигчийн нэр бүхий мэдээллийг багтаасан байх бөгөөд Нийслэлийн онцгой комиссын Шуурхай штабын дэргэдэх Замын хөдөлгөөн зохицуулалтын баг хүсэлтийг хүлээн авах аж.
Байгууллага системд бүртгэгдэж, олгосон QR кодыг www.smartcar.mn цахим хуудаст хандан татаж авна. Хязгаарлалтад багтаагүй 15 үйл ажиллагааны чиглэлээс бусад байгууллагын хүсэлтийг хүлээн авахгүй, буцаах юм.
– Байгууллагын чиг үүргийг тодорхой бичих
– Байгууллагын регистрийн дугаарыг үнэн зөв бичих
– Байгууллагын нэрийг бичихдээ хашилт буюу “ тэмдэглэлийг ашиглахгүй байх
– Автомашины улсын дугаарыг бичихдээ зай авахгүй үргэлжлүүлж бичнэ
– Зөвшөөрлийн хуудсыг буцааж хүлээн авах ажилтны албан тушаал, нэр, e-mail хаяг, утасны дугаарыг тодорхой бичих
Эх сурвалж: Ulaanbaatar.mn
