Бяцхан зааны тугал Чантабхури мужид зам гарч яваад мотоциклд мөргүүлжээ. Энэ үед Мана Сривите ажил үүргээ гүйцэтгэж яваад анхны тусламж үзүүлж, амийг нь аварсан байна.
Зааны тугалд тусламж үзүүлж буй бичлэгийг тухайн үед ойр байсан хэн нэгэн цахимд нийтэлжээ. Улмаар уг бичлэг маш олон хүний хайрыг татаж, талархлыг хүлээжээ.
Мана Сривите “Би хүний биетэй харьцуулан зааны зүрх хаана байдаг юм бол гэж дотроо бодож байсан. Хүн ч бай, амьтан ч бай амийг нь аврах нь миний үүрэг хариуцлага. Би эх зааны орилж буйг сонссон. Миний сэтгэл үнэхээр өвдөж байсан. Бяцхан зааны тугал амьсгал аван хөдлөхөд би уйлах дөхсөн” хэмээн reuters агентлагт ярьжээ.
Зааны тугал 10 орчим минутын дараа сэргэсэн ба түүнд дараагийн шатны эмчилгээг хийхээр авч явжээ. Үүний дараа сүрэгт нь тавьж, зааны тугалыг ээжтэйгээ эргэн уулзжээ.
