Засгийн газрыг танхимаар нь огцруулах асуудлыг яг одоо УИХ дахь МАН-ын бүлэг хэлэлцэж байна. Үүний дараа УИХ-ын Төрийн байгуулалтын байнгын хороо хуралдана гэдгийг УИХ-ын дарга Г.Занданшатар мэдээлсэн.
Тэгвэл маргааш өглөө УИХ-ын нэгдсэн чуулганаар Засгийн газрыг огцруулах юм байна. Ингээд ирэх долоо хоногт МАН-ын Бага хурал хуралдаж дараагийн Ерөнхий сайдын нэрийг УИХ-д оруулахаар болжээ.
Ерөнхий сайд өнөөдрийн Удирдах зөвлөлийн хурал дээр шинэ Засгийн газраа яаралтай байгуулаад ажилд нь оруулах ёстой гэсэн байр суурийг илэрхийлсэн байна. Тиймээс ирэх долоо хоногт шинэ Ерөнхий сайдаа томилох аж.
Шинэ Ерөнхий сайдын нэрийг МАН-ын Бага хурлаас УИХ-д оруулах бөгөөд үүний дараа намын УЗ, УИХ дахь намын бүлэг хэлэлцсэний дараа байнгын хороо чуулганаар хэлэлцэн шийдвэрлэнэ. Шинэ Ерөнхий сайд томилогдсоны дараа өөрөө танхимын сайд нараа томилж, Ерөнхийлөгч, УИХ-д танилцуулж, тангараг өргүүлснээр шинэ Засгийн газар байгуулагдана.
