Өчигдөр /2021.02.15/ Хөдөө аж ахуйг дэмжих сангийн удирдах ажилтнууд ажлын байрандаа архидаж, зодолдож танхайрсан. Уг мэдээллийн дагуу цагдаагийн байгууллага шалгахаас гадна Хүнс, хөдөө аж ахуй, хөнгөн үйлдвэрийн яамнаас Дотоод хяналт шалгалт гарч, асуудлыг тодорхой болгожээ. Нийт таван ажилтан ажлын байрандаа архи, согтууруулах ундаа ууж, дотоод зөрчлөөсөө үүдэн, зодоон болсон байна. Ажилтнууд нь ийм хариуцлагагүй байдал гаргасан учраас тус сангийн захирлыг ажлаас нь чөлөөлж байна. Оронд нь үүрэг гүйцэтгэгчийг түр томилно. Мөн ажлын байрандаа архи уусан алба хаагчдыг ажлаас нь чөлөөлөх, албан тушаал бууруулах, сахилгын хариуцлага тооцох зэрэг шаардлагатай бүхий л хариуцлагыг тооцно.
