Сэлэнгэ аймгийн Мандал, Баянгол сумын нутагт үйл ажиллагаа явуулж буй Бороогийн алтны уурхайд ажиллах 267 иргэний PCR шинжилгээний хариу бүгд сөрөг гарчээ. Тодруулбал, хоёрдугаар сарын 18-ны өдөр аймгийн Эрүүл мэндийн газрын тандалт шинжилгээний найман хүний бүрэлдэхүүнтэй гурван баг Баянгол, Мандал сумын нутаг болох Их таширын хөндийд үйл ажиллагаа явуулж буй ‘Бороо гоулд’ компанийн алтны уурхайд ажиллаж, уурхайн 267 ажилчдаас PCR шинжилгээ авчээ.
Мөн өчигдөр Улаанбаатар хотоос “Шаамар-6”-гийн постоор нийт долоон иргэн нэвтэрсэн. Үүнээс Сүхбаатар суманд дөрөв, Алтанбулаг суманд хоёр, Цагааннуур суманд нэг иргэн тус тус ирж, тэднээс түргэвчилсэн оношлуураар шинжилгээ авахад бүгд сөрөг гарсан байна.
