Бичил бизнес эрхлэгчдэд жилийн 11 хувийн хүүтэй, хөнгөлөлттэй зээлийг 24 хүртэл сарын хугацаатай олгож байна.
Тодруулбал, энэ нь Дэлхийн банкны ‘Хөдөлмөр эрхлэлтийг дэмжих төсөл’-ийн санхүүжилтээр Хөдөлмөр эрхлэлтийг дэмжих сангаас ажилгүй, хувиараа хөдөлмөр эрхлэгч, жилийн борлуулалтын орлого нь 50 сая төгрөгөөс доош бичил бизнес эрхлэгчдэд олгож буй зээл юм. ‘COVID-19’-ийн цар тахлын үе дэх эдийн засгийн хариу арга хэмжээний хүрээнд арилжааны банкуудаар дамжуулан олгож буй зээл гэдгийг ХНХЯ-наас мэдээллээ. Нийт зээлийн эх үүсвэр нь 7.4 тэрбум төгрөг бөгөөд Төрийн банк, ХААН банкаар дамжуулан зээлдүүлэх юм.
- Зээлийн хэмжээ: 5-10 сая төгрөг.
- Зээлийн хүү: Жилийн 11 хувь.
- ‘COVID-19’-ийн цар тахлын улмаас үүсээд буй эдийн засгийн нөхцөл байдлыг харгалзан 2021 оны 6 сар хүртэл зээлийн хүүг жилийн 7.56 хувь.
- Залуу бизнес эрхлэгчдийг дэмжих зорилтын хүрээнд зээлдэгчдийн 30-аас багагүй хувь нь 35 хүртэлх насны залуучууд, 10 хүртэлх хувь нь 60-аас дээш насны иргэд байж болно.
- Нийт зээлдэгчдийн 50-аас доошгүй хувь нь эмэгтэйчүүд байна.
Энэхүү хөнгөлөлттэй зээлд хамрагдах иргэн, хувиараа хөдөлмөр эрхлэгч болон бичил аж ахуйн нэгжүүд харьяа дүүргийн Хөдөлмөр, халамжийн үйлчилгээний газар (ХХҮГ)-т цахимаар хандаж, дэлгэрэнгүй мэдээллийг авхыг ХНХЯ-наас мэдээллээ.
Монгол Улсын Батлан хамгаалах яамны Гадаад хамтын ажиллагааны газрын дарга хурандаа Т.Наранхүү Япон Улсаас Монгол Улсад суугаа ЭСЯ-ны Батлан хамгаалахын атташе дэд хурандаа Ирики Ёохэй болон Япон Улсаас Монгол Улсад суух ЭСЯ-ны Батлан хамгаалахын атташегаар шинээр томилогдож байгаа дэд хурандаа Мурасэ Рёосукэ нарыг өнөөдөр /2025.03.28/ хүлээн авч уулзлаа.
