Монголын үндэсний бөхийн холбооноос сар бүр зохион байгуулах барилдааны хуваариа үзэгчдэд танилцуулдаг билээ.
Тэгвэл энэ сард үндэсний бөхийн дөрвөн барилдаан зохион байгуулахаар төлөвлөжээ. Үүнээс улс, аймгийн цолтнууд оролцсон хоёр барилдаан болно. Тодруулбал, энэ сарын 13-нд Шинэ үндсэн хуулийн 33 жилийн ойд зориулсан улс, аймгийн алдар цолтой 128 бөхийн барилдаанаар нээх юм. Харин үүний дараа сумын цолтнуудын ээлжит барилдаан болох бөгөөд энэ сарын 17-нд хуваарьтай байна.
Харин 25-нд “Талх чихэр” компанийн нэрэмжит “Хэвийн боовны баяр” аймаг, цэрэг, сумын цолтой болон залуу бөхчүүдийн уламжлалт барилдааныг зохион байгуулах аж. Түүнчлэн энэ сарын 26-нд улсын харцага цолтны хүндэтгэлийн барилдаантай.
Үүнээс гадна жиү жицү, жүдо, чөлөөт бөхийн улсын аварга шалгаруулах тэмцээнийг Монгол бөхийн өргөөнд зохион байгуулна.
