Эрсдэлийг бууруулахад зарцуулсан нэг ам.доллар гамшгийн дараах хохирлын 15 ам.доллартой тэнцдэгийг санаж, гамшиг ослоос урьдчилан сэргийлэн, бэлэн байдлаа хангаж ажиллахыг Ерөнхий сайд Г.Занданшатар чиглэл болголоо.

 Манай улсад нийт тохиолдсон аюулт үзэгдэл, ослын тоо 2024 онд 5118 болж, 2000 оноос хойш хоёр дахин нэмэгджээ. 2023-2024 онд зудын гамшиг тохиолдож, 7.4 сая мал хорогдож, эдийн засагт 1.3 их наяд төгрөгийн хохирол учирсан.

2025 онд 273 удаагийн ой хээрийн түймрийн улмаас 1.2 сая га ой хээрийн талбай шатаж, 6.3 тэрбум төгрөгийн шууд хохирол учирчээ. Иймд:

”Гамшгаас хамгаалах, эрсдэлийг бууруулах арга хэмжээний зардалд аймаг, сум, нийслэл, дүүрэг, төрийн байгууллага тухайн жилийн төсвийн 1.0 хувиас доошгүйг зарцуулахаар тооцон төсөвт тусгах;

Эрчим хүч, харилцаа холбоо, зам гүүр, эмнэлэг, сургуулийн гамшигт тэсвэртэй байдлыг хангах, төрийн өмчийн олон нийтийн болон худалдаа үйлчилгээний зориулалттай барилгад гал түймэр, газар хөдлөлтийн эрсдэлийн үзлэг хийх зэргийг үүрэг болголоо.

2030 он гэхэд дэлхий нийтэд жилд тохиолдох гамшгийн тоо 560-д хүрч, өнөөдрийн түвшнээс 40 орчим хувиар өсөх тооцооллыг НҮБ-ын Гамшгийн эрсдэлийг бууруулах газрын эрсдэлийн тайланд дурдаад байна.

Гамшгийн эрсдлийг бууруулах үндэсний зөвлөлийн хуралд Ерөнхий сайд Г.Занданшатар оролцлоо.