Азийн хөгжлийн банкны санхүүжилтээр хэрэгжүүлж буй “Тогтвортой аялал жуулчлалыг хөгжүүлэх төсөл”-ийн удирдах хорооны зургаадугаар хурал өчигдөр боллоо.
Хурлаар 2021 онд хийж хэрэгжүүлсэн ажлын тайланг танилцуулан төслийн хэрэгжилтийн талаар дэлгэрэнгүй мэдээлэл өгч, асуулт, хариулт өрнүүлжээ. Тухайлбал:
- Эко аялал жуулчлалын төлөвлөлт,
- Хөвсгөл дэд төслийн хүрээнд тавих авто замын бүтээн байгуулалтын ажлын зураг төсөл,
- Хатгал, Ханх, Дадал суманд баригдах хатуу хог хаягдлын ландфилл байгууламж болон бохир ус цэвэрлэх байгууламжийн танилцуулга,
- Ханх сумын хөгжлийн ерөнхий төлөвлөгөөний ажлын явц зэргийг БОАЖЯ-ны Төрийн нарийн бичгийн дарга, Төслийн удирдах хорооны дарга Э.Баттулга болон албаны бусад хүмүүст танилцуулав.
Төслийн хүрээнд Хөвсгөл нуурын болон Онон-Балжийн байгалийн цогцолборт газарт тогтвортой аялал жуулчлалыг хөгжүүлэх үндэсний загварыг бий болгох, төсөл хэрэгжиж буй орон нутгийн байгаль хамгаалал, аялал жуулчлал, эдийн засгийн асуудлыг цогцоор шийдвэрлэхэд дэмжлэг үзүүлэх зорилготой.
Хуралд төслийн удирдах хорооны бүрэлдэхүүн дэх Байгаль орчин, аялал жуулчлалын яам, Сангийн яам, Барилга, хот байгуулалтын яам, Эрчим хүчний яам болон Азийн хөгжлийн банк, иргэний нийгмийн төлөөллүүд оролцлоо.
Монгол Улсын Батлан хамгаалах яамны Гадаад хамтын ажиллагааны газрын дарга хурандаа Т.Наранхүү Япон Улсаас Монгол Улсад суугаа ЭСЯ-ны Батлан хамгаалахын атташе дэд хурандаа Ирики Ёохэй болон Япон Улсаас Монгол Улсад суух ЭСЯ-ны Батлан хамгаалахын атташегаар шинээр томилогдож байгаа дэд хурандаа Мурасэ Рёосукэ нарыг өнөөдөр /2025.03.28/ хүлээн авч уулзлаа.
