Авлигатай тэмцэх газрын Мөрдөн шалгах хэлтэс эрүүгийн 730 хэрэгт мөрдөн байцаалтын ажиллагаа явуулснаас өнгөрсөн долоо хоногт гурван хэргийг шүүхэд шилжүүлэх саналтайгаар прокурорын байгууллагад хүргүүлжээ.
Тодруулбал Сэлэнгэ аймгийн сумын удирдах албан тушаалтан “Т” нь хахууль авч, өөртөө давуу байдал бий болгосон гэх, Нийслэлийн түргэн тусламжийн төвийн удирдах албан тушаалтан нь Шуурхай удирдлагын төвийн удирдах албан тушаалтантай хамтран албан тушаалын эрх мэдлээ урвуулан ашиглаж хахууль авдаг гэх, “А” нь нийтийн албан тушаалтнаар ажиллаж байхдаа албан тушаалын эрх мэдлээ албаны эрх ашгийн эсрэг буюу урвуулан ашиглаж бусдад эдийн засгийн давуу байдал бий болгосон, төсөвт хохирол учруулсан гэх хэргүүдийг шүүхэд шилжүүлэхээр санал гаргасан байна.
Үүнээс гадна 6 хэргийг хаах, нэг хэргийг харьяаллын дагуу шилжүүлэх саналтай прокурорт хүргүүлж, нэг хэргийг нэгтгэснээр мөрдөн шалгах ажиллагаанд одоогоор 719 хэрэг байгаа аж.
Монгол Улсын Батлан хамгаалах яамны Гадаад хамтын ажиллагааны газрын дарга хурандаа Т.Наранхүү Япон Улсаас Монгол Улсад суугаа ЭСЯ-ны Батлан хамгаалахын атташе дэд хурандаа Ирики Ёохэй болон Япон Улсаас Монгол Улсад суух ЭСЯ-ны Батлан хамгаалахын атташегаар шинээр томилогдож байгаа дэд хурандаа Мурасэ Рёосукэ нарыг өнөөдөр /2025.03.28/ хүлээн авч уулзлаа.
