Украины Тагнуулын ерөнхий газар телеграм сувгаараа дамжуулан “ОХУ мөнгө, импортын эд ангиудын хомсдолоос үүдэн танк үйлдвэрлэлээ зогсоолоо. Олон Улсын хориг арга хэмжээний үр дүнд тус улс өндөр технологийн зэвсгийг бие даан үйлдвэрлэх чадамжгүй байгаа тул арми нь шинэ хуягт машин авах боломжгүй боллоо” гэж мэдээлэв.
Оросын хуягт машин үйлдвэрлэдэг “Уралвагонзавод” хямралыг даван туулахыг хичээж байгаа аж. Тэд Нижний Тагил дахь үйлдвэртээ Оросын гол танк болох Т-72-оо үйлдвэрлэдэг байна.
Өдгөө ОХУ-ын танкийн үйлдвэр зээлийн хүүгийн өсөлт, гадаад валютын хомсдол, материал, эд ангиудын үнэ нэмэгдэх зэрэг асуудалтай тулгарч буй аж. Иймд “Уралвагонзавод” нь “Т-90”, “Т-14” (Армата) танк зэрэг шинэ тоног төхөөрөмжийн үйлдвэрлэлээ зогсоожээ.
Эх сурвалж: REDDIT, BIGMIR
