Өмнөд Солонгосын нийслэл Сөүл хотын төвд өчигдөр /2022.11.06/ галт тэрэг замаасаа гарч осолджээ. Ослын улмаас 30 зорчигч бэртэж гэмтэв. 275 зорчигчтой Мугунгхва галт тэрэг 20:52 цагийн үед Сөүл хотын төвд байрлах Ён Дёнпо өртөө рүү орох үедээ замаасаа гарчээ. Галт тэрэг 20:15 цагт Сөүлийн Ёнсанаас хөдөлсөн бөгөөд 180 км зайд орших Хойд Жоолла мужийн Иксан руу явж байсан. Нийтдээ зургаан вагон замаас гарсан байна.Ослын улмаас уг шугамын хөдөлгөөнийг нэг цаг орчим саатуулжээ.
Тус улсын төмөр замын үндэсний оператор Солонгосын Төмөр замын корпораци ослын шалтгааныг судалж байна. Дэлгэрэнгүйг эргэн мэдээлнэ.
