Франц Улсын иргэн Франсуа Лёмонсел дөрвөн жилийн өмнөөс унадаг дугуйгаар дэлхийг тойрон аялж эхэлжээ. Тэрээр нийтдээ 28 орноор аялаад байгаа юм. Хятад, Өвөрмонгол орноор аялж дуусаад Монгол орноор аялж буй тухайгаа цахим орчинд хуваалцлаа.
Тэрээр “Би Монголд ирээд 2 сар болж байна. Ямар аялал гээч! Би 4 жил дугуйгаар замд явсны эцэст жинхэнэ аялал мэдэрч байгаа мэт санагдаж байна. Монгол эрс тэс, сэрүүн уур амьсгалтай ч халуун дулаан хүмүүс амьдардаг орон. Хэдхэн хоногийн өмнө хамгийн бага температур нь -38 ° C (-44 ° C) байсан. Сүүлийн 60 жил тохиогоогүй хүйтэн гэсэн. Малчид сандралдаж малаа өвс тэжээлээр хангахыг хичээж байгаа ч сүүлийн өдрүүдэд хэдэн сая мал үхээд байна. Энэ хэцүү цаг үеийн хажуугаар хүмүүс намайг гэртээ найрсгаар хүлээн авч, тусалсан. Энэхүү Монголчуудын уламжлалт гэрт ихэвчлэн монгол архи ууж, хоол ундаар дайлуулж тав тухтай мөчүүдийг өнгөрүүллээ. Монгол өвөлдөө ч мөн адил сайхан гэдгийг та бүхэнтэй хуваалцахыг хүслээ”хэмээв.
