Тэсгэм хүйтний төрийн төмөр нүүр…
Дэлхий нийтээрээ ‘сүйрч’ байхад хамгийн их ашигтай ажиллах газар бол БАНК. Ямар ч цаг үед ашгаа хадгалж, тэд төрийг ‘дарамталж’ чаддаг. Төрийн ‘гурван том толгой’ ээлж дарааллан банкныхантай уулзаад л байдаг, уулзлаа л гэдэг. Гэвч ипотекийн зээлийн үндсэн төлөлт болон зээлийн хүүг хойшлуулсныг эс тооцвол өөр бодит шийдвэр өнөөдрийг хүртэл гараагүй байна.
Улсын хэмжээнд 538 ББСБ үйл ажиллагаа явуулж байна
Мөн банкны салбарын жижиг нэртэй ЖИНХЭНЭ мөнгө хүүлэгчид бол ББСБ, ломбарднууд юм. Тэд ард түмнийгээ хүүгийн дарамтад оруулж, ‘хүүлсээр’ л байна. Арга нь улам соёлжиж гоё үгтэй мсж хүртэл явуулдаг болжээ, У.Хүрэлсүх даргаа! Гэсэн ч мах, гурилны мөнгөө илүүлчлэх аргагүй болчихоод байгаа иргэд тэдэнд юугаа төлөх нь ойлгомжгүй болчихоод байна. Ингэтлээ л эдийн засаг хүндэрчихлээ. Гэтэл банк болоод банк бусынхан Монголд ковидын халдвар гарсанд бид ямар буруутай юм гэж даналзаж байна. Аргагүй ээ, тэдэнд буруу байхгүй ч иргэдээ зээлийн хүүгээр дарамтлахгүй байх нийгмийн хариуцлага нэг удаадаа байх ёстой юм.
Хадгаламж эзэмшигчдийн 20-30 хувь нь тэрбумаас дээш төгрөгийн хадгаламжтай бол
Дундаж давхаргынхан 10-100 сая төгрөгийн хадгаламжтай байдаг /Монголбанкны судалгаа/
Бас нэг жижигхэн хов хүргэхэд ковидын үед банкны салбарын үйлчилгээ үнэндээ л гутамшиг. Тэсгэм хүйтний төрийн төмөр нүүр гэгч энэ байхдаа л гэж бодогдмоор. Хүүхдийн мөнгө, тэтгэврийн мөнгөө авах гэсэн ээжүүд, эмэгтэйчүүд, ахмадууд банкны гадаа ‘өвчин тустлаа’ зогсож, хэдэн бор төгрөгийн бараа харах гэж уралдах ч өнөөх банк нь бэлэн мөнгө гаргахгүй шүү, зөвхөн банк хоорондын гүйлгээ л хийнэ гэж дуугарах. Мөнгөний машин нь /АТМ/ хүртэл мөнгөгүй болчихсон байх жишээтэй. Ёстой нэг улсаараа уймарч, овлигогүй төрийн очер өнөөх коронавирусийг чинь зүгээр л нэг ‘ХАЛУУРДАГ ХАНИАД’ гэж даарсан иргэдэд ойлгогдох боллоо. Тэсгэм хүйтний төрийн төмөр нүүр гэж энэ үү?
