ЭМЯ ээлжит мэдээллээ хийлээ. Манай улсад коронавирусийн халдварын 5 тохиолдол 24 цагийн дотор бүртгэгдлээ. Энэ халдварууд бүгд Улаанбаатар хотод байна. Тухайлбал 4 тохиолдол нь давтан шинжилгээгээр илэрсэн бол нэг нь ХӨСҮТ-ийн сувилагч байлаа. Нийт батлагдсан тохиолдол улсын хэмжээнд 898 болж байна. Халдвар илрүүлэх цэгүүдэд нийт 369282 хүн үзүүлж, шинжилгээнд хамрагджээ. Нийслэлд халдвар бүртгэгдсэнтэй холбоотойгоор ЗӨСҮТ-ийнхөн 3650м.кв талбайд голомтын эцсийн ариутгал хийсэн бол тусгай дугаарын утсанд 24 цагийн дотор 21266 хүн хандаж зөвлөгөө авчээ.
