Засгийн газар хуралдаж, арванхоёрдугаар сарын 1-нээс ирэх оны долоодугаар сарын 1-н хүртэл даоаах шийдвэрүүдийг гргалаа.
- Төсөвт байгууллага
- Төрийн болон орон нутгийн өмчит, түүний оролцоотой хуулийн этгээд
- Уул уурхайн олборлох, боловсруулах үйлдвэр
- Банк, банк бус санхүүгийн байгууллага
- Крипто валюттай холбогдох үйл ажиллагаа эрхлэгч
- Газрын тосны бүтээгдэхүүн үйлдвэрлэх, импортлох, бөөний болон жижиглэнгийн худалдаа эрхлэх тусгай зөвшөөрөл эзэмшигч
- Интернэт, үүрэн холбооны үйл ажиллагаа эрхлэх тусгай зөвшөөрөл эзэмшигч
- Согтууруулах ундаа, тамхи үйлдвэрлэх тусгай зөвшөөрөл эзэмшигч
- Өнгөт металл болон хар төмөрлөг, цементийн үйлдвэрүүд гэсэн есөн байгууллагаас бусад ААН-үүдийн цахилгаан, дулаан, дулааны уур, усан хамгамж, хогны төлбөрийг тэглэхээр Засгийн газрын ээлжит бус хуралдаанаас шийдвэрлэлээ.
Мөн айл өрхүүдийн ус, цахилгаан, хогны мөнгийг дээрх хугацаанд тэглэхээр болов. Ингэхдээ 100 мкв байртай айл өрхүүдийн дулааны төлбөрийг хөнгөлнө.
Монгол улсын 3,3 сая иргэний амжиргааг дэмжих, 123.800 аж ахуйн нэгжүүдийг ажлын байраа хадгалахад дэмжлэг болгож бүх төрлийн суурь зардлуудыг ийнхүү тэглэж, төр хариуцах шийдвэр гаргаж байгаа бол 900 мянган өрхийн цахилгаан, дулаан, ус, хогны төлбөрийг долоон сарын хугацаанд төрөөс төлөхөөр боллоо.
Төрөөс цахилгаан дулаан эрчим хүчний төлбөрийг хариуцаж байгаатай холбоотой хэрэглээ огцом нэмэгдэж, эх үүсвэрийн дутагдал орох эрсдэлтэй учраас айл өрхүүдийг өмнөх шигээ хэвийн хэмжээнд хэрэглэхийг Нийслэлийн Засаг дарга Д.Сумъяабазар уриаллаа. Суурь үнийн чөлөөлөлт 650 тэрбумыг ‘Эрдэнэт’ үйлдвэр хариуцах бол сайжруулсан түлшний үнийн хөнгөлөлтийн 69 тэрбумыг ‘Эрдэнэс-Тавантолгой’ ХК хариуцна.
