ХӨСҮТ-д өнөдөөр 30 настай бүсгүй амаржиж, 3.2 кг хүү хүү мэндэлсэн талаар ЭМЯ-ны Эмнэлгийн тусламжийн газрын дарга Я.Буянжаргал тус яамны өнөөдрийн ээлжит мэдээллийн үеэр онцлов.
Тэрбээр, “ХӨСҮТ-д коронавирусний халдвартай 22 хүн эмчлүүлж байна. Одоогоор 25 настай жирэмсэн эмэгтэйгийн биеийн байдал хүнд байгаа. Цэргийн төв эмнэлэгт 195 хүн эмчлүүлж байгаагаас маш хүнд 2, хүнд 65, хүндэвтэр 53 байна. Баянзүрх дүүргийн нэгдсэн эмнэлэгт халдварт гарсан тул тус дүүргийн иргэдийг Сүхбаатар дүүргийн нэгдсэн эмнэлэг, Улсын хоёрдугаар төв эмнэлэг, АШУҮИС-ийн эмнэлэгт, Сонгинохайрхан дүүргийн эмнэлэгт үзэж байгаа. Баянзүрх дүүргийн 194 хүн байгаагаас 102 нь эмч, эмнэлгийн ажилтан бусад нь өвтөн байна. Өчигдөр буюу энэ сарын 25-нд нэг хүн тус эмнэлэгт нас барсан бөгөөд цээжний булчин сулрах өвчинтэй, даралт их, чихрийн шижингийн шинжтэй, элэгний С вирусний архаг өвчинтэй байсан. Дагалдах онош нь “COVID-19” байсан юм” гэлээ
