Өнгөрсөн өдрүүдэд түүхэн дээд үзүүлэлтээ шинэчилж өссөн биткойны ханш ням гаргийн арилжааны явцад 11.71 хувиар буурч, 35 544 ам.доллар болжээ.
‘CoinDesk’ цахим хуудасны мэдээллээр, Москвагийн цагаар 23 цаг 32 минутын байдлаар /Улаанбаатарын цагаар даваа гаргийн 04 цаг 32 минут/ биткойны ханш 36 279 ам.доллар (-9.88%) байсан байна.
Биткойн нь блокчейны технологид үндэслэсэн криптовалютын систем бөгөөд энэ системд оролцогч дурын хэрэглэгч биткойн ‘олборлох’ /гүйлгээнд гаргах/ боломжтой. Үүний тулд тооцоолон бодох төхөөрөмжийн тусламжтайгаар блокуудын шинэ сүлжээ бий болгох ёстой байна. Анх 2008 онд өөрийгөө Satoshi Nakamoto гэж нэрлэсэн нэгэн программ зохиогч энэ системийг гаргажээ. Гэхдээ биткойныг сүүлийн жилүүдэд л түгээмэл ашиглах болсон юм. Биткойны олборлолт нь хязгаарлагдмал бөгөөд одоогийн байдлаар ихэнх хэсгийг “олборлочихсон” байгаа аж.
