Цахим зээлийн үйлчилгээ Монголд анх удаа 2018 онд нэвтэрч байсан бол өнгөрсөн хоёр жилийн хугацаанд энэ төрлийн үйлчилгээ хурдацтайгаар хөгжиж, цахим зээлийн үйлчилгээ үзүүлэгч байгууллагууд ар араасаа нэмэгдсээр байна.
2018 оны 10 дугаар сард анх цахим худалдааны Shoppy.mn сайт болон Худалдаа, хөгжлийн банк хамтран онлайнаар зээлийн хүсэлт гаргаж бүтээгдэхүүн, үйлчилгээ худалдан авах боломжийг танилцуулснаас хойш тавин мянга гаруй иргэн зээлийн хүсэлт гаргасан байна. Энэ тоо баримтаас харахад хэрэглэгчид санхүүгийн эрэлт, хэрэгцээгээ зөв удирдаж, зах зээлд шинээр гарч байгаа санхүү, төлбөр тооцооны үйлчилгээг ихээр сонирхож, ашиглаж байгаа нь харагдаж байна.
