Зөвхөн гараар урладаг, маш их чимхлүүр, нарийн ажил учраас хөөрөгний даалинг үнэхээр юм мэддэг, хэрэгцээтэй хүн л авдаг. Орчин цагт энэ нь тансаг хэрэглээ болжээ. Үнийн хувьд дунджаар 5-7 сая төгрөгийн үнэтэй байна. Ур хийцээрээ гайхагдсан даалин 10 гаруй сая төгрөгийн үнэ хүрдэг байна.Орчин цагт даалинг хээ угалз төдийгүй шүр сувдаар чимэглэдэг болсон байна. Нэмэлт мэдээлэл болгон хүргэхэд даалин урлах материалд торго гол үүрэгтэй бөгөөд зуун хувийн торгон дээр зүү ороож урласан даалин хамгийн үнэ цэнэтэйд тооцогдоно.
