БШУ-ны сайд Л.Энх-Амгалан тус яамны бүх тендерийг худалдан авах ажиллагааны газарт 100 хувь шилжүүлснээ мэдэгдлээ.
Тэрбээр “БШУЯам бол тендерийн яам биш. 2021 онд манай яаман дээр байгаа бүх хөрөнгө оруулалтын тендерийг Худалдан авах үйл ажиллагааны агентлагт 100 хувь шилжүүлж байна. Бид тендер зарлаад, тендерт цагаа зарцуулах ерөөсөө шаардлага байхгүй. Цаашид барилгатай холбоотой асуудлыг Барилгын яаманд, дулаан цахилгаантай холбоотой асуудлыг Эрчим хүчний яаманд хариуцуулах талаар хамтран ажиллана. Ер нь боловсролын салбарт байгаа хөрөнгийн менежментийн асуудлыг шинэ шатанд гаргах шаардлагатай байна” гэжээ.
