ОХУ-ын Владивосток хотын дарга Олег Гуменюк Covid-19-ийн халдвар авсан талаар тус хотын захиргааны хэвлэлийн албанаас мэдээлжээ. Хотын захирагч өдгөө эмнэлэгт хэвтэн эмчлүүлж буй бөгөөд түүний үүргийг нэгдүгээр орлогч Наталья Соколова гүйцэтгэж байгаа аж.
Арваннэгдүгээр сарын 5-ны өдөр Кемерово мужийн Новокузнецк хотын захиргааны олон ажилтан Covid-19-ийн халдвар авсан ч яг хэчнээн хүн халдварласан талаар тодорхой мэдээлэл байхгүй байна.
Өнгөрсөн хоногт Приморийн талд Covid-19-ийн 211 шинэ тохиолдол бүртгэгдсэн аж. Халдвар анх тархсанаас хойш нийт 17277 иргэн тус халдвараар өвчилжээ.
ОХУ-д өнгөрсөн нэг хоногт 21798 хүн халдвар авч, нийт 256 хүн Covid-19-ийн улмаас нас барсан байна.
