Баянзүрх дүүргийн 26 дугаар хороонд хязгаарлалтын дэглэм тогтоогоод байгаа юм. Тус хорооны Элизабет хотхоны дээврээс хүн үсэрч амиа алдсан хэрэг дөнгөж сая гарлаа. Оршин суугчдын ярьж байгаагаар тухайн иргэн нь эмэгтэй хүн байсан бөгөөд үсэрч амиа алдсны дараа хүүхдүүд нь ээжээ гэж дуудаад уйлж байсан гэх мэдээллийг ойр хавьд байсан зарим нэг иргэн өгч байлаа. Энэ талаар ЦЕГ-ын Хэвлэл мэдээллийн төвийн дарга Б.Баатархүүгээс тодруулахад “Яг одоо хэргийн газарт үзлэг хийж, шалтгааныг тодруулахаар ажиллаж байна.Үүнээс илүү дэлгэрэнгүй мэдээлэл өгөх боломжгүй” гэлээ. Тус хотхоны хэсгийг хамгаалалтад авч, хөдөлгөөнийг түр хязгаарлажээ.
