Цахилгааны үелзлээс болж, оч үсэрч, ‘Үндэсний цэцэрлэгт хүрээлэн’-гийн талбайн баруун урд, хойд хэсэгт гал гарлаа. Онцгой байдлын алба хаагчид цаг алдалгүй ирснээр тус байгууллагын ажилчид, ойролцоох ‘Мандала’ хотхоныг барьж байсан ‘MONCON’ констракшины залуучууд гал унтраах хэрэгслээ бариад, хашаа давж гүйж орж ирэн хүч нэмж, олны хүчээр богино хугацаанд, хохирол багатай галыг цурманд нь оруулж, унтраасан байна.
Хуурайшил ихтэй хаврын энэ үед олон шалтгааны улмаас гал түймэр гарах аюул өндөр байдаг учраас иргэн бүр сонор сэрэмжтэй байхыг мэргэжлийн байгууллага анхааруулж байна.
