Засгийн газраас авсан арга хэмжээний хүрээнд өнгөрсөн жил агаарын бохирдол 50 хувиар буурсан бол ирэх дөрвөн жилд 80 хүртэлх хувиар бууруулах зорилт дэвшүүлсэн. Өөрөөр хэлбэл иргэд ерөнхий сайд У.Хүрэлсүхэд итгэл хүлээлгэж, багаар нь сонгосон. харин одоо тэрбээр коронавирусийн халдварыг дотооддоо алдахгүй байх, агаарын бохирдлыг бууруулахад онцгой анхаарч, ‘хар толгой’-гоороо хариуцах учиртай. Тэгвэл утааны эсрэг төрийн байгууллагууд шат шатандаа ажиллаж байгаа ч иргэдийн оролцоо, хандлага зарим талаараа тааруу байгаа талаар МХЕГ-аас мэдээллээ. Тухайлбал Мэргэжлийн хяналтын байгууллагаас 2019-2020 онд агаарын чанарыг сайжруулах бүсэд мөрдөх журмыг зөрчсөн 109 зөрчлийг илрүүлж, 716 тонн түүхий нүүрсийг хурааж авсан байна.
