Цахим орчинд идэвхитэй байж чаддаг Б.Сүндэръяа буюу Сүнээгийн мэдэгдэл УИХ-ын гишүүн Ц.Анандбазарыг яаран мэдэгдэл хийхэд хүргэлээ. Тэрбээр УИХ-ын нэр бүхий гишүүнд сүрдүүлсэн гэх мэдээллийг дэлгэсэн.
Сүнээ мэдэгдэл хийхдээ уг нь бол хэн нэг хүний нэрийг бичээгүй ч олон нийт Булган аймгаас УИХ-д сонгогдсон, “Сод Монгол” группийн үүсгэн байгуулагч Ц.Анандбазарыг хэмээн шүүмжилж, тэр дундаа эмэгтэйчүүд Ц.Анандбазарыг ажилтнууддаа бэлгийн дарамт учруулдаг, ажилтнаа хүчирхийлсэн зэргээр цахим орчинд бичсээр байна. Гэхдээ Сүнээгийн ярьсан зарим зүйлс Ц.Анандбазарын амьдралын зарим зүйлстэй таарч байгаа нь нууц бишээ. Тодруулбал, Ц.Анандбазар нь Монголын тэргүүн баячуудын нэг бөгөөд нэг хүүхдээ бусдын гарт алдаж байсан түүхтэй. Мөн УИХ-ын сонгуулийн үеэр бусдад эд хөрөнгө амлаж байсан дуулианд өртөж байсан юм. Сүнээ хийсэн мэдэгдлийнхээ хүрээнд хуулийн байгууллагад хандаж, өмгөөлөгч аваад байгаа бол цахим орчинд эмэгтэйчүүд УИХ-ын гишүүн Ц.Анандбазар бэлгийн дарамт учруулдаг гэж бичсээр л байна.
