Дундговь аймагт PCR шинжилгээний төхөөрөмж өгөхөөр болжээ

Дундговь аймгийн хэмжээнд коронавирусийн халдварын 50 тохиолдол бүртгэгдэж гэрийн тусгаарлалтад 318 иргэнийг ажиглаж байна. Вакцинжуулалтын хувьд аймгийн хэмжээнд нийт 30,684 иргэнийг вакцинжуулахаас 20,479 иргэнийг нэгдүгээр тунд хамруулжээ.

Шадар сайд албан томилолтоор ажиллах үеэрээ Дундговь аймгийн Онцгой байдлын газрын Хулд сумын дэргэдэх Аврах эрэл хайгуулын бүлэгт бага оврын автомашин, аймгийн Мэргэжлийн хяналтын газарт туулах чадвар сайтай УАЗ фургон автомашинууд шийдэж өгөхөөр болов.

Мөн Дундговь аймгийн Эрүүл мэндийн нэгдэлд нэн шаардлагатай байсан PCR шинжилгээний болон амьсгалын аппаратыг хоёр хоногийн дотор хүлээлгэн өгөхөөр болсон байна.