Ерөнхийлөгчийн сонгууль өндөрлөж, Монгол ардын нам доторх улс төр эхэллээ. Намын дарга хэн болох, Ерөнхий сайд Л.Оюун-Эрдэнэ намын дарга болох уу, МАН-ын генсек Д.Амарбаясгалан болох уу. Тэдний хэн нь намын дарга болохоос Засгийн газрын бүтэц өөрчлөгдөх эсэх, 2021 оны намар зохион байгуулагдах Хэнтий аймаг, Сонгинохайрхан дүүргийн нөхөн сонгуульд хэнийг өрсөлдүүлэх гээд улс төрийн тохироо өрнөж байна. Үүнтэй зэрэгцээд 2020 оны УИХ-ын сонгуульд Төв аймгаас сонгогдсон УИХ-ын гишүүн Н.Энхболд, Увс аймгаас сонгогдсон Б.Чойжилсүрэн, Сүхбаатар дүүргээс сонгогдсон Д.Цогтбаатар нар У.Хүрэлсүхийг Ерөнхийлөгч болсны дараа Элчин сайдаар томилогдохын тулд гишүүнээсээ түдгэлзэж магадгүй байна. Гэхдээ энэ бүхэн зөвхөн МАН-ын тодорхой түвшинд албан бусаар яригдсан талаарзарим эх сурвалж мэдээллээ. магадгүй эдгээр нэр бүхий УИХ-ын гишүүд түдгэлзвэл ирэх намар болох Сонгинохайрхан, Хэнтийн нөхөн сонгуультай хамтатган торйгуудад нь нөхөн сонгууль явуулах боломж байгаа талаар ч асуудал хөндөгджээ.
