Их Эзэн Чингис хааны мэндэлсэн өдөр буюу Монгол бахархлын өдөр арваннэгдүгээр сарын 16-ны Даваа гаригт тохионо. Энэ өдрийг тохиолдуулан Монгол Улсын Ерөнхийлөгч улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан нэг иргэнийг ‘Чингис хаан’ одонгоор шагнадаг уламжлал 2005 оноос тогтсон. Энэ одонг өнөөдрийг хүртэл нийтдээ 11 эрхэм хүртсэн байдаг. гэхдээ 2008 онд нэг удаа өнжиж байсан бол энэ жил бас өнжихөөр болжээ.
Учир нь энэ жил дотоодод цар тахлын халдвар гарч, улс даяар гамшгаас хамгаалах бүх нийтийн бэлэн байдлын зэрэгт шилжсэнтэй холбоотойгоор энэхүү өдрийг тэмдэглэхийг цуцалжээ. Ингэснээр ‘Чингис хаан’ одонг 2 дахь удаагаа өнжихөөр боллоо. Албан бус мэдээллээр энэ жил тус одонг МУГЖ, дуучин С.Жавхлангийн санаачилсан ‘Хамаг Монголп төсөлд олгох тухай яригдаж байсан юм.
