МҮОНРТ-ийн сэтгүүлч Б.Пүрэв болон дууны найруулагч, инженер нарын гурван хүнийг цагдаагийн байгууллагаас бүх нийтийн өндөржүүлсэн бэлэн байдлын үед жагсаал, цуглаан, нийтийг хамарсан арга хэмжээ зохион байгуулахыг хориглох заалтыг зөрчсөн гэх үндэслэлээр саатууллаа.
Тэд өвлийн хүйтэнд, хүний эрхийн өдрөөр ийнхүү тэмцэх болсон шалтгаан нь МҮОНРТ-ийн Үндэсний зөвлөлийн гишүүдээр томилох асуудлыг өнөөдөр УИХ-ын чуулганы хуралдаанаар хэлэлцэн батлах гэж байгаатай холбоотой. Үүнтэй холбоотойгоор МҮОНРТ-ийн ажилчид болон үйлдвэрчний эвлэлийн гишүүд яг одоо телевизийнхээ гадна гэр барьж, эсэргүүцлээ илэрхийлж байна. Тэднээс Б.Ганболд, Ч.Батцэнгэлийг УИХ-ын чуулганаар батлуулвал тэмцлийн хурц хэлбэрт шилжихээ мэдэгдсэн юм. Учир нь МҮОНРТ-ийн ажилчид Үндэсний зөвлөлийн гишүүдээс буулгана гэж тэмцэхэд хүргэсэн хүмүүс тус зөвлөл рүү орох гэж байгаа нь тэмцлийн хэлбэрт шилжихэд хүргэжээ.
