ХХААХҮ-ийн дэд сайд Г.Батсуурь “Монгол-Францын цахим бизнес уулзалт” арга хэмжээнд оролцлоо. Энэхүү цахим уулзалтад Франц Улсаас Монгол Улсад суугаа Элчин сайд Филипп Мэрлин, Францын Ажил олгогч эздийн нэгдсэн холбооны дэргэдэх Франц-Монголын бизнесийн зөвлөлийн дарга Кристоф Фонтайн, ХХААХҮ-ийн яамны холбогдох мэргэжилтэн болон Монголын Үндэсний худалдаа аж үйлдвэрийн танхимын төлөөлөл оролцсон юм. Уулзалтаар Монгол дахь бизнесийн боломж, хууль эрх зүйн орчин болон хөдөө аж ахуйн салбарын өнөөгийн байдал, цаашид төрөөс авч хэрэгжүүлэх арга хэмжээний талаар илтгэлүүд тавьсан юм.
