Улаанбаатарт 1,179, орон нутагт 1,024, эмнэлгээс шалтгаалах ес, зөөвөрлөгдсөн нэг тохиолдол бүртгэгдэж, 10 хүн нас баржээ
Өнгөрсөн хоногт улсын хэмжээнд КОВИД-19 халдварын 2,213 тохиолдол батлагдсанаар нийт халдварын тохиолдол 100,263 болж байна. Өнөөдрийн байдлаар нийт батлагдсан тохиолдлын гуравны нэг орчим буюу 34,361 хүн эмчлэгдэж байгаа юм.
Манай улсад халдвар батлагдаж эхэлснээс хойш эхний 1,000 тохиолдол 67 хоногт бүртгэгдэж байсан бол түүнээс хойш 78 хоногийн дараа 100,000 дахь тохиолдол бүртгэгдлээ.
Тавдугаар сарын 8-нд дууссан хөл хорионы дараа аажим буурч байсан халдварын тохиолдол хот хоорондын зорчих хөдөлгөөнийг нээж, сонгуулийн сурталчилгаа эхэлсэн үеэс өссөн. Ингээд хамгийн ихдээ нэг өдөрт 2,746 тохиолдол энэ сарын 18-нд бүртгэгдэж байв.
Сүүлийн 10 хоногийн турш 2,000 давсан халдварын тохиолдол бүртгэгдэв.
