Өмнөговь аймгийн ойн сан бүхий 13 сумын 1.2 га талбайд энэ онд улсын төсвийн хөрөнгөөр ой зохион байгуулалтын ажил хийж байна.
Аймгийн ойн санд 4190 цэгт 16760 дээж талбай байгуулан ойн сангийн тархалт, нөөцийн өөрчлөлтийг тогтоож, таксацын дундаж үзүүлэлтийг нарийвчлан гаргахыг БОАЖЯ мэдээлэв.
Тухайлбал, Гурвантэс сумын Гоёот багийн заган ойн санд 950 цэгт 3800 дээж талбайг “Хатант форест” ХХК, Тост багийн заган ойн санд 950 цэгт 3800 дээж талбайг “Гранд форест” ХХК, Сэврэй, Ноён, Булган, Баяндалай сумын заган ойн санд 950 цэгт 3800 дээж талбайг “Аглаг Ой” ХХК байгуулжээ.
Мөн Цогт-Овоо, Цогтцэций, Манлай, Ханбогд, Мандал-Овоо сумын заган ойн санд 690 цэгт 2760 дээж талбайг “Мөнх ногоон жодоо” ХХК, Ханхонгор, Даланзадгад, Баян-Овоо, Хүрмэн, Номгон сумын заган ойн санд 650 цэгт 2600 дээж талбайг байгуулан ой зохион байгуулалтын хээрийн хэмжилт, тооллогын мэдээ цуглуулах ажлыг “Денс форист” ХХК хариуцан гүйцэтгэж байна.
“Ойн судалгаа, хөгжлийн төв” улсын төсөвт үйлдвэрийн газраас ой зохин байгуулалтын мэдээ цуглуулах хүрээнд хяналтын тооллого хийж, ажлын гүйцэтгэлд дүгнэлт, зөвлөмж өгч, санал солилцох аж.
