Төрийн ордонд өнөөдөр /2022.03.21/ УИХ дахь намын бүлгүүд хуралдана. Тодруулбал, өнгөрсөн Баасан гаригт УИХ дахь МАН–ын бүлэг ээлжит бусаар хуралдаж, эдийн засгийг сэргээх чиглэлд Засгийн газар, УИХ хамтарсан ажлын хэсэг байгуулж буй талаар мэдээлсэн. Энэ талаар МАН–ын бүлгийн дарга Д.Тогтохсүрэн “Засгийн газар, Монголбанк шуурхай ажиллах хэрэгтэй байна. Тиймээс УИХ, Засгийн газраас ажлын хэсэг яаралтай гарган ажиллах хэрэгтэй гэдэг шийдлийг бүлгээс гаргасан.
Валютын ханш өсөх магадлал бий болж, бараа бүтээгдэхүүний олдоц буурч, инфляци өсөх хандлагатай байна. Тиймээс бүх ажлыг том зургаар нь авч үзэх шаардлагатай талаар бүлэг ярилцсан” гэсэн мэдээлэл өгсөн.
Харин УИХ дахь АН-ын бүлэг өнгөрөгч чуулганы үеэр хоёр хуваагдсан бөгөөд тус бүлгийн дарга Д.Ганбат, С.Эрдэнэ нар Хөгжлийн банкны асуудлаар түр хороо байгуулах талаар мэдээлэл өгч байв.
