БХЯ, БХЭШХ хамтран 2014 оноос жил бүр уламжлал болгон зохион байгуулж буй Зүүн хойд Азийн аюулгүй байдлын олон улсын эрдэм шинжилгээний хурал энэ жил “Зүүн хойд Азийн аюулгүй байдал: Батлан хамгаалах хамтын ажиллагааг өргөжүүлэх боломж” сэдвийн дор зохион байгуулагдаж байна.
Зүүн хойд Азийн аюулгүй байдлыг хангах, бүс нутагт цэргийн итгэлцлийг бэхжүүлэхэд улс орнуудын оролцоог өргөжүүлэх, хамтын хүчээр сорилт бэрхшээлийг даван туулах, шийдвэрлэх арга замыг эрэлхийлж буй тус олон улсын эрдэм шинжилгээний хуралд ҮАБЗ, БХЯ, ЗХЖШ, ШУА-ын удирдлага, холбогдох албаны мэргэжилтнүүд БХЭШХ, ҮБХИС, ДХИС, МУИС, ХУИС-ийн эрдэмтэн, судлаач, багш нар болон БНХАУ, ОХУ, Япон зэрэг улс орны хүндэт зочид төлөөлөгчид оролцож илтгэл хэлэлцүүлэн, санал бодлоо солилцож байна.
