Нийслэлийн Гэр бүл, хүүхэд, залуучуудын хөгжлийн газар нь Нийслэлийн Засаг Даргын тамгын газартай хамтран “Нийслэлийн шилдэг гэр бүл” шалгаруулах үйл ажиллагааг гуравдахь жилдээ зохион байгуулжээ. Уг үйл ажиллагаа нь гэр бүлийн үнэ цэнэ, хамтын амьдралын утга учир, эцэг, эхийн хамтын үүрэг, хариуцлагыг таниулах, үр хүүхдээ хөдөлмөрч, шударга, ёс суртахуунтай иргэн болгон төлөвшүүлэн хүмүүжүүлж буй гэр бүлийг шалгаруулж олон нийтэд сурталчлах зорилготой аж.
Шилдэг гэр бүл шалгаруулах удирдамжийг Нийслэлийн 9 дүүргийн 211 байгууллагад хүргүүлж, шалгаруулалтыг хоёр үе шаттай зохион байгуулсан.
Нэгдүгээр шатны шалгаруулалтыг дүүргийн Гэр бүл, хүүхэд, залуучуудын хөгжлийн хэлтэс нь хороо, дүүргээс материалыг хүлээн авч таван номинацын дагуу анхан шатны шалгаруулалтыг зохион байгуулж 30 материалыг нийслэлд ирүүлжээ. Хоёрдугаар шатны шалгаруулалтыг газрын даргын А/140 дүгээр тушаалаар байгуулагдсан ажлын хэсэг нь удирдамжид заасан шалгуурын дагуу 30 материалаас шалгаруулалтыг зохион байгуулж 5 номинацид “Шилдэг 10 гэр бүл”-ийг шалгаруулав.
Шилдэгээр шалгарсан гэр бүл /номинаци тус бүрээр/
Хүмүүнлэг гэр бүл
- Чингэлтэй дүүрэг – Д.Мичидбат
- Хан-уул дүүрэг – А.Хажид
Бүтээлч гэр бүл
- Багануур дүүрэг – Г.Ариунболд
- Налайх дүүрэг – Д.Хонгорзул
Спортлог гэр бүл
- Баянзүрх дүүрэг – Э. Уранцэцэг
- Сонгинохайрхан дүүрэг – Б.Оюундалай
Өв соёлоо түгээн дэлгэрүүлэгч гэр бүл
- Баянгол дүүрэг – С.Дамбий
- Баянзүрх дүүрэг – Ш.Биндэрьяа
Оюунлаг гэр бүл
- Налайх дүүрэг – Д.Мөнхнаст
- Сүхбаатар дүүрэг – Б.Мөнхдорж
