Хятадын Төв Радио Телевиз 8K хэт өндөр нарийвчлалтай телевизийн сувгийг туршилтын журмаар ажиллуулж эхэллээ.
2 сарын 1нд болсон нээлтийн ажиллагаанд ХКН-ын Суртал ухуулгын газрын дэд сайд, Хятадын төв радио телевизийн захирал Шэнь Хайшюн болон харилцаа холбооны томоохон компаниудын захирлууд оролцсон бөгөөд энэ суваг нь дэлхийн анхны 8K хэт өндөр нарийвчлалтай телевизийн шууд нэвтрүүлэг болон 5G сүлжээний хүрээн дэхь 8K телевизийн нэвтрүүлэг болж буй юм.
Нээлтийн ёслолын үеэр Хятадын төв радио телевизийн Англи хэлний төв, Техникийн газрын хамтран бүтээсэн “Үзэсгэлэнт Хятадын тухай өгүүлэх нь” Хятадын анхны бүрэн хэмжээний 8К баримтат киног үзүүлжээ. Энэ кино нь 8K технологийг ашигласан анхны бүтээл аж.
БНХАУ-ын дарга Ши Жиньпиний Хятадын технологийн үндсэн инновацийн чадавхийг үр дүнтэй сайжруулах талаар өгсөн чиглэлийн дагуу Хятадын төв радио телевиз 8K хэт өндөр нарийвчлалтай телевизийн технологийн шинэчлэлийг эрчимтэй хийж, технологийн стандартыг боловсруулан, 8K хэт өндөр нарийвчлалтай телевизийн сувгийн туршилтыг ийн эхэлж буй юм байна. Хятадын Төв Радио Телевиз 8К сувгийг Бээжингийн өвлийн олимпын өмнө албан ёсоор ажиллуулах бөгөөд контент үйлдвэрлэхээс монтажлах, цацах хүртэлх бүх үйл ажиллагаа нь 8K хэт өндөр нарийвчлалтай байх юм байна.
