Засгийн газрын Хэвлэл мэдээллийн албаны дарга Ц.Ганзориг : Халвартай бүсээс гарч байгаа иргэд, ажилтнуудын хувьд 48 цагийн хугацаатай PCR шинжилгээ өгч байгаа. 411.000 өрхөөс шинжилгээ авахад 10 орчим тэрбум төгрөг зарцуулж байна. Ингэхдээ хөндлөнгийн хяналттай явж байгаа. Ямар шат дараалалтайгаар явж байгаа, улсын төсвөөс уг зардал гарч байгаа учир задаргааг нь мөн нарийн танилцуулаад явна.
Вакцинжуулалтын хувьд ДЭМБ-аас хүлээн зөвшөөрсөн вакцинуудыг сонголттойгоор оруулж ирнэ. Тэгэхээр иргэд өөрсдөө вакцинаа сонголттойгоор хийлгэх боломжтой. Дэлхий нийтэд хүүхдэд тарих вакцинийг эцэслэн шийдээгүй байна. Тйимээс манай улсын хувьд насанд хүрсэн иргэддээ хийхээр төлөвлөж байна. Гадаадаас ирсэн, ирэх гэж байгаа иргэд ч мөн вакцинжуулалтанд хамрагдана.
Сард 3-4 тусгай үүргийн нислэг үйлддэг байсан бол ирэх гуравдугаар сараас эхлэн энэ тоог гурав дахин нэмэгдүүлж 12 хүртэл нислэг үйлддэг болох мөн зочид буудлуудад тусгаарлагдаж байгаа хоног хугацааг 10-аас илүү хоног байхгүй байх зохицуулалтуудыг хийхээр төлөвлөж байна. Тусгаарлах байрны хоног багасаад ирвэл гадаадаас ирэх иргэдийн тоо ч мөн өснө гэж харж байгаа гэдгийг хэллээ.
