БНСУ-ын Кёнги мужийн Шихөн хотод байрладаг нэгэн худалдааны төвийн гурван давхраас монгол иргэд унаж, нэг нь газар дээрээ нас барж, хоёр нь хүндээр бэртжээ.
Нутгийн цагдаагийн газрын мэдээлж байгаагаар иргэн А, Б тэргүүтэй 30-аад насны гурван монгол эр өнөөдөр/2021.3.29/ 00:30 цагт Чонуан дүүрэгт худалдаа эрхэлдэг дөрвөн давхар барилгын гуравдугаар давхраас хөл алдан унасан аж. Улмаар иргэн А газар дээрээ нас барж, хамт явсан Б болон өөр нэг монгол эр хоёр хүнд бэртэл авчээ.
Гэрчүүдийн мэдүүлснээр монгол иргэд худалдааны төвийн уушийн газарт архи ууж байгаад тамхи татахаар ослын шат руу гарсан байна. Цагдаа нар ослын шалтгаан болон бусад нарийн ширийнийг тодруулахаар ажиллаж байгаагаас гадна халдварт өвчнөөс сэргийлэх захирамжийг зөрчин 22:00 цагаас хойш үйл ажиллагаа явуулж байсан уушийн газрыг ч шалгаж эхэлжээ.
