‘Ачтан элит’ эмнэлгийн эмч, ажилчдаас Covid-19-ийн батлагдсан тохиолдол илэрсэн гэх мэдээлэл олон нийтийн сүлжээнд цацагдаж байна. Энэ талаар тус эмнэлгийн удирдлага ярихдаа ‘Манай эмнэлэгт арванхоёрдугаар сарын 24-нөөс хойш өвчтөн аваагүй, хэвтэн эмчлүүлж байгаа хүн байхгүй. Нэгдүгээр сарын 4-нд ажил цуглах байсан учраас бид цар тахлаас урьдчилан сэргийлж бүх ажилчдаа шинжилгээнд хамруулж, үйл ажиллагаагаа эхлэх төлөвлөгөөтэй байсан. Бид одоо ажилчдын эцсийн шинжилгээний хариуг харж байж нэгдүгээр сарын 6-нд өвчтөн авах эсэхээ шийднэ. Яг одоогийн байдлаар тодорхой мэдээлэл өгөх боломжгүй байна’гэж мэдээллээ. Харин эмнэлгийн заим нэг ажилтанаас утсаар лавлахад ‘Эмнэлгийн хоёр, гурван ажилтнаас нэгдүгээр сарын 3-нд PCR шинжилгээ авсан. Одоогоор шинжилгээний хариу гараагүй байна. Манай эмнэлэг арванхоёрдугаар сарын 25-аас эхлэн огт ажиллаагүй. Эмнэлгийг тусгаарлалтад аваагүй’ гэсэн юм.
