ЭМЯ-ны хэвлэлийн ажилтан Б.УУГАНБАЯР:
-Монгол Улсад сүүлийн 24 цагт 11883 хүнд шинжилгээ хийхэд Covid-19-ийн 1107 шинэ тохиолдол бүртгэгджээ. Халдварын нийт тохиолдол 19672 болсон байна. Covid-19 халдварын улмаас зургаан хүн нас баржээ. Ингээд Covid-19-ийн шалтгаант нийт нас баралт 37 болжээ.
Тодруулбал, 34, 49, 58, 62 настай эрэгтэй, 76, 64 настай эмэгтэй цар тахлын нэн хүнд хэлбэрээр нас барсан байна. Мөн сүүлийн 24 цагт 406 хүн эдгэрч гарснаар нийт халдварын 11044 эдгэрээд байгаа юм. Шинээр бүртгэгдсэн халдварын 1024 нь Улаанбаатарт, 84 нь орон нутагт бүртгэгджээ.
