Налайх дүүргийн Хөх давааны энгэр гэх газарт зуслангийн айлуудын гэр, хашаа усанд автдаа гэсэн дуудлага 19:30 цагт НОБГ-т ирсэн байна. Дуудлагын дагуу дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид ажиллаж, 8 хүүхэд, 12 том хүнийг завиар зөөж аюулгүй газарт хүргэжээ. Үлдсэн 30 гаруй иргэнийг аюулгүй газарт хүргэх ажил үргэлжилж байна.
