• Бидний тухай
  • Сурталчилгаа байрлуулах
  • Холбоо барих
No Result
View All Result
www.oknews.mn
Advertisement
  • Эхлэл
  • Улс төр
  • Эдийн засаг
  • Нийгэм
  • Дэлхий дахинд
  • Эрүүл мэнд
  • Соёл урлаг
  • Видео
  • Бусад
    • Спорт
  • Эхлэл
  • Улс төр
  • Эдийн засаг
  • Нийгэм
  • Дэлхий дахинд
  • Эрүүл мэнд
  • Соёл урлаг
  • Видео
  • Бусад
    • Спорт
No Result
View All Result
www.oknews.mn
No Result
View All Result
Home Нийгэм

Завхан аймгийн Алдархаан суманд 5 МВТ-ын Нарны цахилгаан станц, Монголын анхны 3.6 МВтц батарей хуримтлуурын систем ашиглалтад орлоо

2022-11-28
in Нийгэм, Орон нутаг, Редакцийн сонголт
0
Завхан аймгийн Алдархаан суманд 5 МВТ-ын Нарны цахилгаан станц, Монголын анхны 3.6 МВтц батарей хуримтлуурын систем ашиглалтад орлоо

Завхан аймгийн Алдархаан сумын нутагт “Борх” 5 МВТ-ын Нарны цахилгаан станц, Улиастай суманд “Цэнгэг” 3.6 МВтц хүчин чадалтай эрчим хүч хуримтлуурын станц энэ сарын 26-ны өдөр ашиглалтад орлоо.

Энэ нь Завханчуудын мөрөөдөл болсон эрчим хүчний бие даасан эх үүсвэртэй болох асуудалд гэрэл асаасан түүхэн үйл явдал гэдгийг нутгийн иргэд хэлсэн юм.

“Манай аймагт Улаанбаатар хотын Дулааны дөрөвдүгээр цахилгаан станцаас эрчим хүч 1,000 гаруй км-ыг туулж, ирдэг болохоор цахилгааны тасалдалт, саатал их гардаг. Ашиглалтад орж буй нарны цэнэг хураагуурын станц томоохон үүрэг гүйцэтгэх юм. Өөрөөр хэлбэл, зургаан цагийн хугацаанд 600 кВт эрчим хүч үйлдвэрлэж, эрчим хүч тасарсан үед Улиастай сумын тодорхой газруудыг эрчим хүчээр хангах боломж бүрдэж байна. Тухайлбал эмнэлэг, эрүүл мэндийн байгууллагууд найдвартай ажиллаж, хүний амь нас эрстэхээс хамгаалах боломж бүрдэх зэрэг том ач холбогдолтой. Завхан аймгийн ард иргэдийг найдвартай эрчим хүчээр хангах зорилготой эдгээр станцууд ашиглалтад орсноороо Улаанбаатар хотоос 1,000 гаруй километрийн зайтай Завхан аймаг цаашид найдвартай эрчим хүчээр хангагдах боломж бүрдлээ. Улс тунхагласны ойн өдөр Завхан аймагт маань томоохон бүтээн байгуулалт ашиглалтад орж байгаад бид баяртай байна. ” хэмээн Завхан аймгийн засаг дарга Д.Түвшинжаргал хэллээ.

“ЗАВХАН АЙМГИЙН 40 ОРЧИМ МЯНГАН ХЭРЭГЛЭГЧИЙГ ЭРЧИМ ХҮЧЭЭР НАЙДВАРТАЙ ХАНГАХАД ДЭМ БОЛСОН СТАНЦТАЙ БОЛЛОО”

зураг

Үргэлжлүүлэн тэрбээр “Нөгөө талаараа сэргээгдэх эрчим хүчний эх үүсвэр ашиглалтад орсноор дэлхий нийтийн анхааралд буй асуудал болон хүлэмжийн хийг бууруулахад хувь нэмэртэй. Мөн Завхан аймгийн сэргээгдэх эрчим хүчний найдвартай эх үүсвэрүүдэд тус дэм болсон төсөл гэдгийг дахин хэлье. Үндсэндээ аймгийн эрчим хүчний системд зэрэгцээ холбочхож байна гэсэн үг. Төвөөс ирж буй эрчим хүчинд дэм болох станц гэсэн үг. Завхан аймгийн 40 орчим мянган хэрэглэгчийг эрчим хүчээр найдвартай хангахад дэм болсон станцтай боллоо” хэмээв.

Энэхүү нарны цахилгаан станц болон цэнэг хураагуурын станцыг ашиглалтад оруулснаар бүс нутгийн цахилгаан эрчим хүчний хангамж сайжирч, ард иргэд, байгууллагыг чанартай цахилгаанаар хангах боломж бүрдэхээс гадна нүүрстөрөгчийн хийн ялгаруулалтыг жилд 9,564 тонноор, нүүрс шатаалтыг жилд 6,476 тонноор бууруулж, цэвэр усыг жилд 82,500 тонноор хэмнэдэг ашиг тустай байна.
зураг

Баруун бүс нутагт баригдсан эдгээр станц нь Монгол Улсын Засгийн газар, Эрчим хүчний яамнаас хэрэгжүүлж буй, Төвийн эрчим хүчний системээс алслагдсан аймгуудад Сэргээгдэх эрчим хүчний эх үүсвэрийг нэмэгдүүлэх төслийн хүрээнд Азийн хөгжлийн банк (АХБ)-ны хөнгөлөлттэй зээлийн санхүүжилтээр баригдсан билээ.

2021 оны хоёрдугаар сард Япон улсын JGV Холдингс Корпорэйшн, NGK Insulators компани болон “М СИ ЭС Интернэйшнл” ХХК хэмээх консорциум Эрчим хүний хүчний яамнаас зарласан тендерт шалгарч, Улиастайн 5 МВт-ын нарны цахилгаан станц, Батарей хуримтлуурын системийн төслийн гүйцэтгэгчээр ажилласан бөгөөд ийнхүү ашиглалтад хүлээлгэн өгсөн нь энэ юм.

“БАТАРЕЙ ХУРИМТЛУУРЫН НЭГ ОНЦЛОГ НЬ ШУУД АЛТАЙ- УЛИАСТАЙН ЭРЧИМ ХҮЧНИЙ СИСТЕМД ХОЛБОГДСОН”

зураг

“М Си Эс” Интернэйшнл ХХК-ийн Төслийн удирдагч Ө.Цогтбаяр “Бид төслийн ажлын эхлүүлсэн цагаас эхлээд дэлхий даяар цар тахал нүүрлэж, төсөөлж байгаагүй сорилтуудыг дагуулсан. Гэсэн хэдий ч төслийн ажлыг нэг ч удаа зогсоохгүй явсаар Монгол Улсдаа хамгийн анхны том чадлын буюу 3.6 МВТ-ын батарей хуримтлуурын системийг амжилттай оруулж чадлаа. Мөн Завхан аймгийн Алдархаан суманд баригдсан 5 МВТ-ын “Борх” нэртэй нарны цахилгаан станцыг амжилттайгаар барьж угсарч дуусгаад энэ өдөр ашиглалтад хүлээлгэн өгч байна. Батарей хуримтлуурын систем нь Монгол Улсад урьд өмнө нь хийгдэж байгаагүй анхны том чадлын төсөл болсон юм. Батарэй хуримтлуурын нэг онцлог нь шууд Алтай- Улиастайн эрчим хүчний системд холбогдсон. Тус системийн чадлын дутагдалттай буюу оргил ачааллын үед дэмжлэг үзүүлж оролцож, шаардлагагүй үед нь өөрийгөө цэнэглэж ажиллана. Бид одоо Говь-Алтай аймагт 10 МВТ-ын төсөл дээр гүйцэтгэгчээр ажиллаж байна. Төслийн нийт гүйцэтгэл 75 хувьтай яваа” хэмээв.

зураг

“Борх” нарны цахилгаан станц нь нийт 10,192 ширхэг дэлгэцээр дамжуулан байгалийн шавхагдашгүй хүч буюу нарнаас ялгарах энергийг ашиглаад эрчим хүчийг үйлдвэрлэх бөгөөд жилд 8.8 сая квт цахилгаан эрчим хүч үйлдвэрлэж, 7,650 тонн хүлэмжийн хийг бууруулах боломжтой.

“25 ЖИЛИЙН ТУРШ БҮС НУТГИЙН 8,300 АЙЛ ӨРХ БУЮУ 48 МЯНГАН ИРГЭНИЙ ЦАХИЛГААН ХАНГАМЖИЙГ БҮРЭН ХАНГАХ БОЛОМЖТОЙ СТАНЦ”

зураг

Эрчим Хүчний Яамны Сэргээгдэх эрчим хүчний хэлтсийн дарга Х.Бекболат “Бүтээн байгуулалтын үр дүнд жилд дунджаар 10.2 сая кВт цаг эрчим хүчнийг үйлдвэрлэнэ. Энэ нь 25 жилийн турш бүс нутгийн 8,300 айл өрх буюу 48 мянган иргэний цахилгаан хангамжийг бүрэн хангаж, 223 мянган тонн нүүрс хүчлийн хий ялгаруулалтаас сэргийлнэ” гэлээ.

“ЦААШДАА ЗАВХАН АЙМАГ ИМПОРТООР АВДАГ ЭРЧИМ ХҮЧНИЙ ЭХ ҮҮСВЭРИЙГ ДОТООДДОО ҮЙЛДВЭРЛЭХ БОЛОМЖ БҮРДЭЖ БАЙНА”

зураг

Улсын их хурлын Байнгын хорооны дарга, УИХ-ын гишүүн Ц.Цэрэнпунцаг “Завхан аймаг бол Улаанбаатар хотоос 1,000 гаруй километрын зайд орших алслагдсан баруун бүс нутаг. Дээрээс нь тус аймаг Монголын хамгийн хүйтэн цэг. Баруун бүс нутаг эрчим хүчний хомстолтой буюу нийт эрчим хүчнийхээ их ачааллынхаа үед 70 хувийг нь импортоор авдаг. Ийм аймагт сэргээгдэх эрчим хүчний том эх үүсвэр бий болж байгаа нь том ач холбогдолтой. Цаашид Завхан аймаг эрчим хүчний эх үүсвэрээ найдвартай болгож, мөн гаднаас импортоор авдаг эрчим хүчний эх үүсвэрийг дотооддоо үйлдвэрлэх боломж бүрдэж байна. Мөн өнөөдөр дэлхийн дулааралтай тэмцэхэд дэлхий даяараа хөдөлж байгаа энэ үед ногоон эрчим хүчний эх үүсвэрийг нэмэгдүүлж буй нь сайшаалтай” гэв.

Улиастай суманд буй “Цэнгэг” 3.6 мегаватт цаг Эрчим хүч хуримтлуурын станцын тухайд 

  • Монголын анхны “Эрчим хүч хуримтлуур” бүхий станц
  • Ашиглалтын нийт хугацаанд цэнэгийг бүрэн 100% шавхаж ажиллах боломжтой
  • Батарейн үйлдвэрлэгч NGK Insulators нь дэлхийн даяар нийт 200 гаруй төсөлд 4,000 МВТ цаг бүхий Эрчим хүч хуримтлуур станцыг ашиглалтад оруулсан.
  • Аюулгүй  буюу бусад технологитой харьцуулахад галын эрсдэл байхгүй
  • Батарейн насжилтын хугацаа харьцангуй урт буюу 15 жилээс дээш
  • Эрс тэс уур амьсгалын нөхцөлд тэсвэртэй зэрэг онцлог давуу талтай юм.
ShareTweetShare
Previous Post

ДЭМБ-аас халаадаг тамхин бүтээгдэхүүний хор хөнөөлийн талаар анхааруулав

Next Post

Оршин суух зөвшөөрөл авч буй гадаадын иргэд дундаас ХДХВ-ийн эерэг тохиолдлууд илэрснийг ХӨСҮТ шинжилж байгаа

Next Post
Оршин суух зөвшөөрөл авч буй гадаадын иргэд дундаас ХДХВ-ийн эерэг тохиолдлууд илэрснийг ХӨСҮТ шинжилж байгаа

Оршин суух зөвшөөрөл авч буй гадаадын иргэд дундаас ХДХВ-ийн эерэг тохиолдлууд илэрснийг ХӨСҮТ шинжилж байгаа

Хариулт үлдээх Хариулт болиулах

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн

Шинэ мэдээ

Улаанбаатар хотоос орон нутаг руу зорчих хүсэлтэй иргэд аймгийн Онцгой комиссоос зөвшөөрөл авна

Товчооны цаана гэр нь байдаг машинтай иргэд хороо, дүүрэгтээ бүртгэлтэй хаягаараа төлбөргүй зорчино

2023-01-11
Дарханы замыг дөрвөн эгнээ болгох ажил энэ сарын 15-нд эхэлнэ

Зам ашигласны төлбөрөө төлөөгүй бол оношилгоонд оруулахгүй

2023-01-11
Ерөнхийлөгч У.Хүрэлсүх ОХУ-д айлчилна

Ерөнхийлөгч төмөр замын авлигын асуудалд холбоогүй гэв

2023-01-11
Б.Жавхлан: Төв банк дээрх валютын нөөцөө хамгаалах, экспортоо дэмжих бодлогоо үргэлжлүүлнэ

Б.Жавхлан: 31.7 сая тонн нүүрс экспортолсноор алдагдлаа буурууллаа

2023-01-11
Ж.Ганбат: Энэ оны нэгдүгээр улиралд улсын хэмжээнд ачаа тээврийн 7,800 ширхэг C зөвшөөрөл олгоно

Ж.Ганбат: Энэ оны нэгдүгээр улиралд улсын хэмжээнд ачаа тээврийн 7,800 ширхэг C зөвшөөрөл олгоно

2023-01-09
С.Батдөл: Би хөнгөн гэмт хэрэгт холбогдож байгаа. Намайг цагдан хорих шаардлагагүй гэж ойлгосон

С.Батдөл: Би хөнгөн гэмт хэрэгт холбогдож байгаа. Намайг цагдан хорих шаардлагагүй гэж ойлгосон

2023-01-09
МАН: Үндсэн хуулийн өөрчлөлтийн талаар олон нийтийн саналыг сонсоно

‘Тавантолгой-Зүүнбаянгийн төмөр замд аудит оруулах чиглэл өгсөн’

2023-01-09
600 цэрэг нас барсныг Украин үгүйсгэв

600 цэрэг нас барсныг Украин үгүйсгэв

2023-01-09
Х.Болорчулуун 18 тендер завшсан асуудлыг АТГ-т шалгуулна

Х.Болорчулуун 18 тендер завшсан асуудлыг АТГ-т шалгуулна

2023-01-09
Хүүхдийн 100 мянган төгрөгийг маргааш олгоно

Өндөр насны тэтгэврийн хэмжээ нэмэгдсэн үү?

2023-01-06
Шүүхийн хуульд тавьсан Ерөнхийлөгчийн хоригийг хүлээн авахаас татгалзлаа

Чуулган: Цахим салбар төрийн оролцоогүй хөгжиж байна

2023-01-06
УБТЗ-ын орлогч дарга С.Батдөлийг саатуулж, 10 гаруй тэрбум хураажээ

УБТЗ-ын орлогч дарга С.Батдөлийг саатуулж, 10 гаруй тэрбум хураажээ

2023-01-06
Нэр бүхий гишүүд УИХ-ын гишүүнээсээ түтгэлзэж, элчин сайдаар томилогдож мэдэхээр байна

МАН-ын Удирдах зөвлөл 13.00 цагт хуралдана

2023-01-05
Швейцарийн прокуророос хэргээ цагаатгуулсан С.Баярцогт намаа 40 тэрбум төгрөгөөр авч чадах уу?

С.Баярцогт: УДШ-д намын даргаа бүртгүүлэх, зохион байгуулалтад орох боломжууд нь нээгдэж байгаа

2023-01-05
САНАМЖ: 16, 25, 45 нас хүрч байгаа иргэд төрсөн өдрөөсөө хойш 30 хоногийн дотор иргэний үнэмлэхийн хүсэлт гаргахгүй бол торгууль төлнө

САНАМЖ: 16, 25, 45 нас хүрч байгаа иргэд төрсөн өдрөөсөө хойш 30 хоногийн дотор иргэний үнэмлэхийн хүсэлт гаргахгүй бол торгууль төлнө

2023-01-05
www.oknews.mn

© 2020 Зохиогчийн эрх хуулиар хамгаалагдсан

  • Бидний тухай
  • Сурталчилгаа байрлуулах
  • Холбоо барих

Биднийг дагаарай

No Result
View All Result
  • Эхлэл
  • Улс төр
  • Эдийн засаг
  • Нийгэм
  • Дэлхий дахинд
  • Эрүүл мэнд
  • Соёл урлаг
  • Видео
  • Бусад
    • Спорт

© 2020 Зохиогчийн эрх хуулиар хамгаалагдсан