Засгийн газраас энэ сараас эхлэн цахилгаан, дулаан, ус, хогны үнийг тэглэсэн. Тэгвэл хөнгөлөлтөд хамрагдсан зарим аж ахуй нэгж ажилчдынхаа цалинг нэмэгдүүлж эхэлжээ.
Тухайлбал, ‘Хүнс комплекс’ ХХК аравдугаар сарын 1-нээс эхлэн ажилчдынхаа цалинг 10-15 хувиар нэмэгдүүлсэн байна. Мөн гэрээт дэлгүүрүүдэд хэсэгчилсэн хямдрал үзүүлэх зэрэг арга хэмжээг авчээ.
‘Сүүн зам Дейри’ ХХК арванхоёрдугаар сарын 1-нээс эхлэн ажилчдынхаа цалинг нэмсэн байна. Харин ‘Милко’ ХХК цар тахлын үед ажиллаж байгаа нийт ажилтнууддаа 200,000 төгрөгийн урамшуулал олгожээ.
